صوت م الحق . بقلم المبدع : طارق محمد عبد الجواد

صوت م الحق
وشوش آهات الحلم
وقال معلهش
وش يعمل النبض السكات
والممات مرسوم
ع الوش
الناس صبحت ديابة
والعمار صار غابة
والضمير غيبوبة
وطعم الحياه مش
لكل وقت آدان
وكل ساعة يبان
ضميز غدار جبان
ويسقط الوش
اللي ياما لزرع الطيبة
بالانياب حش
وإنتي الأصيلة
والأصل اللي زانك
وش ما بيسقطش
عالية راسك
لا بتنحني
الأخضر لساه أخضر
له وقت يظهر
مرفوعة رايتك
واللي صاينك
رب العباد وش
يموت ف الحلم
اللي ما بيصبرش
ويموت اللي إختار
بإرادته ما يحلمش

طارق محمدعبدالجواد
(بليلو)،،،،،،،،،،،،
صوت م الحق
12/7/2016