خواطر أنا أبقى مين فيهم // بقلم وليد النمري

@@@أنا أبقي مين فيهم@@@
سؤال شاغلني كتير معرفش إجابته فين@
لنفسي دايما ليه في مرايتي ألاقي صورتين@
واحدة لملاك برئ والتانيه لشيطان بنابين@
إحترت ويا العين مين أبقي أنا في الإتنين@
أنا اللي الطيبة طبعي إنسان من الخيرين@
ولاإللي شروري وغدري جزاء المحسنين@
أنا الحنان والحب والطهر ويا الخير@
ولا أنا ذئب بشري بصطادقلوب الطير@
ولا أنا ضحكة صافيه ونسمه للعبير@
ولا أنا دمعة باكية ولأحزاني سفير@
ولا أنا خليط مابينهم الشر ويا الخير@
طاهرفي إحساسي ولاذنوبي ملياني@
هل ممكن أكون ضحيةولا أناالجاني@
بصرخ بأنفاسي أنا ده ولا أنا التاني@
جوايا مين فيهم ولمين بميل ياني@
جوايا ميت حاجة ولبعض محتاجه@
حالاتي كتير ومتفرقه حزن وفرحة متذوقه@
جنان وعقل حب وكره إتخيل بقي@
خير وياشر فسق وطهرإزاي ده بقي@
لحظات أكون زير للنساء ولحظة تانية من الأتقياء@
تلاقيني رمز للوفاء وفجأة خاين كلي جفاء@
تشوفني وحش للبيداء رغم إن قلبي طير في السماء@
ضعفي يكون هدفي الوحيد وساعات أكون في صلب الحديد@
في رقة إحساسي ببقي فريد ولا أكون قاسي وعنيد@
وساعات مشاعري تكون بريئة وساعات تكون شرسه وجريئه@
لحظات أحاسيسي تبقي نبيله وساعات تاخدني للرزيله@
ضميري يسبني وينام ساعات ويصحي يحاكمني بالإثباتات@
ساعات أتمني أقول حاجات وفجأة ينتابني السكات@
للغير بحل في مشكلات ولنفسي ماملكشي غير أهات@
أنا مين في دول إحتارت أنا@
ولا كل دول يبقوا أنا@
توهت يانفسي في الأنا@
في سؤال تعبني إحترت أنا@
في مين في دول أبقي أنا@
تحياتي
وليد النميري