على عيني *****بقلم الشاعر محمود بدر

(على عيني )
•• 
على عيني تنزل دموعِك
ويكون السبب مني 
بتمنى يوم رجوعكِ
وبعادك مجنني
بتقولي ارجع تعالى
ولأيامي بتحني
حاضر حبيبتي راجعلك
أصل إنتِ حته مني
فكراني متهني فـ بعدك
ولا فـ غيابك عني
لا والله ظلماني
دا شوقي ليكِ دابحني
دي الكلمة الحلوة منك
تسعدني • تريحني
بعدك هعيش لمين
من غيرك بيفهمني
••
عارفه لما بكون حزين
وقلبي شايل وتاعبني
بلاقي طيفك يناجينى
بيقولي معاكِ رآحتي
وألمس اديكِ وابصلك
واقربك قوي مني
واحط إيدي بشوق عليكِ
وتُسكنيني جوا حضني
ببقى طاير مـ السعاده
فرحان قوي ومتهني
معاكِ روحي رجعتلي
ورجعت تاني ابتسامتي
هقولهالك تاني وتالت
يالي على قلبي سيطرتي
بحبك حب ما يتوصف
يا اميــــرة ممـــــلكتي
مهما طال البعد بينا
هفضل باقي على وعدي
قلبي يفضل ليكِ أسير
يا اغلى من روحي عندي
••
( بقلمي ) ( • محمود بدر • )