((((( بلاش إنت )))))
بلاش انت .. تقسى عليا كمان
وتعيشني ما بين دموعي
دنتا الغرام اللي عايشه جواه
والشمس اللي ساكنه مابين ضلوعي
بلاش إنت .. تسقيني الحرمان
وتشمت العوازل فيا
دنتا ليا الحب والأمان
ليه بس بتقسى عليا
داه ياما عشانك .. حاربت كتير
بقلبي اللي صانك .. وبكل ضمير
بلاش إنت .. كمان تظلمني
كفاية ظلم الناس ليا
كان واجب عليك تفهمني
وماتصدقش كلامهم فيا
حرام عليك تبقى ظالمني
دنا بعت الدنيا وحبيتك
ونسيت الناس وهويتك
بلاش إنت .. تعوم على هواهم
وتبيع الحب .. عشان رضاهم
دنتا الأمان .. اللي أنا عايشاه
وحب الزمان .. اللي بهواه
نسيت قد إيه ضحيت عشانك
ورضيت زماني يكون هو زمانك
بلاش إنت .. دنتا كل حياتي
والعمر إنت .. وأجمل ذكرياتي
خلينا زي ماكنا .. بالحب عايشين
ننسى اللي ظالمنا .. من سنين
دنا الحب اللي إنت هويته
والقلب هو القلب اللي حبيته
بلاش إنت .. تكون سبب ناري
وعذاب قلبي .. وسبب إنهياري
دنا بيك واقفة وسانده ظهري
ليه عايز تحرق بإيديك عمري
إرجع للحب من تاني
بلاش تبعني وتنساني
هو الحب بيموت بكلمة عذول
داه قلبي لسه بحبك مشغول
بلاش إنت .. تصدق كلامهم
إنسى ياقلبي كلامهم وإنساهم
بلاش إنت
صائغ القوافي الشاعر
فهد بن عبدالله الصويغ
2-3-2017
كلمات غنائية
ليست هناك تعليقات:
إرسال تعليق