((((( حب سنة )))))
من بعد حب سنة غدرتني ورحلت
وحبيت تجرب لقلبك حب غيري
قلتها يومها آن من حبي قد مللت
ولا عاد يعجبك ذوقي ولا تفكيري
يومها بسهم الغدر على قلبي نزلت
وتركتني بناري ولا همك مصيري
اليوم جايني بنفس ألسهم إنقتلت
تترجى رجعتك لي وتشكر خيري
صدقني اليوم أكثر عليك حزنت
تحسب إنك باقي عايش بضميري
أكدت لي إنك جاهل باقي مافطنت
إني من وضع لك إختبار تعبيري
كشفت أمرك يوم إنك إنخدعت
ومن تعلقت به كان من تدبيري
كنت متأكد غدرك لكن ما عرفت
إشلون أصيدك يومها وإنت طيري
ويوم رميت لك الطعم به إنشبكت
حمدت ربي ما كنت سبب تدميري
تذكر دمعي يومها اللي شفت
كان على نذل ما عرف تقديري
اليوم إنت وحدك بدنياك غرقت
ودمعك اليوم نهر يجري بغيري
صائغ القوافي الشاعر
فهد بن عبدالله الصويغ
15-3-2017
ليست هناك تعليقات:
إرسال تعليق