يا أخوي جلدك للذات عذروب
ما دام عيون أهل بوقن كثيره
وتصلح لشانك صار لازم ومطلوب
وترجع مياهك كما أمسك وفيره
واللي فؤاده صار يغلي من الشوب
قله نشوفك يوم تلفي الظهيره
وقله ترانا من الأوايل لنا ثوب
ونفوس البواسل بالرفايع جديره
وقله ربينا على الطيب لنا قلوب
واللي رمانا بقاع واطي مصيره
وبرجن نشيده يظل عالي ومهيوب
يوم المفسفس يعيش ذل الكسيره
ونور المعالي من قديمن لنا يجوب
وحنا مشينا على ذيك المسيره
بقلمي// الشاعر سعود السميران
ما دام عيون أهل بوقن كثيره
وتصلح لشانك صار لازم ومطلوب
وترجع مياهك كما أمسك وفيره
واللي فؤاده صار يغلي من الشوب
قله نشوفك يوم تلفي الظهيره
وقله ترانا من الأوايل لنا ثوب
ونفوس البواسل بالرفايع جديره
وقله ربينا على الطيب لنا قلوب
واللي رمانا بقاع واطي مصيره
وبرجن نشيده يظل عالي ومهيوب
يوم المفسفس يعيش ذل الكسيره
ونور المعالي من قديمن لنا يجوب
وحنا مشينا على ذيك المسيره
بقلمي// الشاعر سعود السميران
ليست هناك تعليقات:
إرسال تعليق