الحب روح
قربت أصدق أن أنا .........أنا وأنت قلبين مقسومين
عايشين في دنيا لوحدنا.....من قبل ما يعدوا السنين
قربت أقول الحزن مات....والفرح كان من قسمتي
خلاص نسيت طعم السكات...مفضلش غير صوت ضحكتي
.................................
يا دنيتي.يامحبتي.................نسوني أحزان دمعتي
أنسي اللي فات والدكريات.أنسي أن قلبي عاش حزين
..................................
الفرحة وخدانا في طريق.....مفروش بورد ونور شموع
بالحب وبأحساس رقيق......مش بالأسي ...ولا بالدموع
الخطوة فيه كام ألف ميل....أمشي في طريقي وسكتي
حتي الظلام بقا مستحيل.....يقدر يبدل .......خطوتي
ياجنتي.يافرحتي..................أسمع وردد قصتي
الحب روح. من غير جروح.من غير أسي ولا أنين
طارق عطية ......شعر غنائي
ليست هناك تعليقات:
إرسال تعليق