رمضان كريم ********بسيوني صديق

رمضان كريم 
********
هل الهلال 
وجيت يارمضان
وكملت اللمة
والقاعدة الحلوة
بالعيلة والأحفاد
يامحلي الصيام
الله اكبر
المغرب بيدن
سبحان من حلل
الحلال
وسبحان من حرم
الحرام
يارب أستجيب
وتقبل الصيام
ياحليوة ياسنيورة
الطبيلية مستكفية؟
لا ناقصة دكرين بط
وأربع أجواز حمام
والشربة أخبارها ايه؟
عملنا عليها ملوخية
والمحشيات ايه؟
فلفل وكوسة 
وبطاطس و بذنجان
وورق العنب فين؟
موجود في الطاجن
الحمد الله
من غير تبذير
ولا إسراف
كفاية كده
صابح صيام
زي سؤالك ياروحي 
علي الطعام
فين ياحبيبي 
الياميش 
الأسعار غالية
وحياتك ياغالية
لا ياحبيبي
غالية رخيصة 
ميهمنيش
عندك كوم 
من العيال 
ولا يبصوا للجيران
ألطف بينا يالطيف
عشان خاطر الصيام
قوم يا عم جمال
علق الزينة
وفانوس رمضان
وهات اللمبة
نقعد حواليها
ده القاعدة جميلة
و بكره صيام
تعالي يا خالي
سمعنا صوتك
في الأذان
وف تواشيحك
أحلي الأنغام
وهاتي يانوسة
أحلي كنافة
والبسبوسة
بطني هفتانة
منك ياصيام
ياعم سيد
تعالي قرب
وأوعي تتقل
في الفطار
وأوعي تنام
وصلي صلي
يالله نصلي
التراويح
بجزء كامل
من القرآن
ياعم بندق
يامسحراتي
بالطبلة طبل
وانده ليلاتي
وزعق وهلل
ياخلق أصحوا
وعاوزك تجلجل
مع إني إني
الكل صاحي
إللي مفرفش
وإللي بيقرمش
وإللي بيصلي
وإللي بيناجي
وإللي منتظر القيام
ياست الحبايب
فين المدمس
وأحلي لمون 
والزيت الحار
أنا مخي هيس
وعاوز أغمس
صابح صيام
الفجر قرب
الساعة كام
هاتولي أشرب
خمسة لتر كاملة 
من العصير
وخمسة لتر ميه
أحسن عطشان
أنا عاوز أعوض
صابح صيام
**********
بسيوني صديق