عشم الوسواس -------------- بقلم احمد عبدالله الاسيوطي

عشم الوسواس 
-------------- 
ليا حبيبه ما بين الناس 
عشش ف دماغها الوسواس 
بتعلق اخطائها عليا 
وتقول راح فين الاحساس 
----- 
هو شيطان واتدخل بيننا 
كان قاصد انه يجننا 
كل دا طبعا من مصلحته 
ودا عشم الوسواس ف الجنه 
----- 
احلفلك بعينيكي السود 
احساسي بحبك موجود 
بس شويه شويه عليا 
كل حبيب لغرامه حدود 
----- 
لا انا هبعد عنك ولا اسيبك 
ولا هفضل بالاسم حبيبك 
هو نصيب ولا اكتر يعني 
قلبي دا من حظك ونصيبك 
-------- 
بقلمي 
احمد عبدالله الاسيوطي