(((((( الوداع ))))))
وداع يا قلب هويته
وداع يا عشق ضاع
بالعمر كله شريته
و بالرخص للعمر باع
بلحظة غرام تمنيته
جيتني وقلت الوداع
بيدك قلبي رميته
وجعلت القلب أرباع
بعد عمر لك عطيته
طعنتني بين الأضلاع
بقرار منك نهيته
وحجبت عنه الشعاع
لا يا قلب غليته
على وداعك الف وداع
ماينحني راس راعيته
من بعد ما حبك شاع
غرامك قبلك نسيته
لا تحسب إني ملتاع
قلبي اللي لك هديته
تفهم غدرك وطاع
قبل لا يشيع صيته
أنقذته من الأوجاع
بيدي يالغرور رديته
عرفته قدرك أنصاع
ما علي من اللي حبيته
وخليته لك مطواع
باكر تشرب ما جنيته
من كاس الأطماع
الزرع اللي بالظلم رويته
أثمر وصار له باع
راح تجني اللي سقيته
والزمن كفه مقلاع
تحمل رد من تحديته
وباقي الليالي وساع
بالغدر زرعك ربيته
والحصاد نار مالها قناع
صائغ القوافي الشاعر
فهد بن عبدالله الصويغ
15-1-2017
ليست هناك تعليقات:
إرسال تعليق