بالغلط مشيت وياك ((بالشعبي العراقي))
بعتني ابرخص التراب
كل ظنك الروحي تعذبها
ترابي ذهب وألماز
مو مغشوش معدنها
اني بالغلط مشيت وياك
وأعرفتك من النوع
الي يبيع بأولها
وحكَ ألي جمعني بيك
أبغير ميعاد
بعدك حياتي
وبدونك اكملها
طبع الشجر ما ينكر الكاع
وجذري اصيل
وما ينكر فضايلها
اكوم وارد حتى لو اتعكزت
الزمن كفيل يردني لأولها
وحتى لو ردت بي الروح
لا تظن احن الك وترجع اتذلها
ولا تتصور بيوم ارجعلك
ولو رادت الروح تحن الك
صدكَني أدمُرها
يالدَمرت حياتي بدون أسباب
نويت أعلى الهجر بآخرها
حبيتك
وأعرفت نفسي خسرآن
تكلي يا حسان حياتك بدلها
هي ثوب وتمزك عليَ؟
حتى بهجرك اخيطها
هي عمري
وحياتي أنكضت وياك
وبقيت أبدمي أكتبها
ونهيتيها ألم واحزان
و أبيمينج أنكتب نهايتها
حسان الامين
ليست هناك تعليقات:
إرسال تعليق