..... (( ودايره الدنيا ))الأديب الشاعر / أشرف فؤاد السمادونى

..... (( ودايره الدنيا ))
***************************
مش كل حاجه بنحتاجها
دايماً ولازم نلاقيها
ولا كل حد بيحتاجنا
بنكون نصيبه اكيد فيها
واهى دنيا عايشنها
......... وراسيين
مطرح ما بترسى
............. مراسيها
*********************
فى مشاعر إنتَّ بتحتاجها
اوقات بتحس قوام بيها
ومشاعر إنتَّ أسبابها
وكمان ما بتحسش بيها
*********************
واهى دنيا دايره على كيفها
.... شايلانا تتحكم فينا
تفرحنا مره ... وتجرحنا
وهمومنا تغلب أفراحنا
ونعيش ونتمسَّك بيها
...................... ودايره الدنيا
***********************************
الأديب الشاعر / أشرف فؤاد السمادونى