وهفضل أحلم كمان وكمان
ولا حد هيوقفنى
وهفضل أبص لقدام
والورا ما هيسبقنى
ولسه الحلم جوايا
بأن بكره الجاي احلا
وليه اخاف من حلمى
هو حلمى كان عفريت
حلمى صغير ومحندق
أعيش مع ناس ليها ضمير
متستناليش غلطه
وتطبطب وقت الضيقه
بنظرة حب مش شفقه
*******
مشوارى أه لسه طويل
لكن خطوه ورا خطوه
طريق الحلم يبق قصير
حتى لو فوق السحاب
هعمل انا عصفور وأطير
وامسك حلمى باديه
ولا هسيبه بدون تحقيق
********
أوعى فى يوم تسيب حلمك
يضيع فى ظلام الليل
كن شمعه تنورله
وتهديه ويرجع ليك
كفايه ان امبارح راح
اوعى تخلى الجاى يروح
أغسل نفسك من همك
وقول يادنيا كفايه هموم
واضحك ضحكه من قلبك
تجلجل فى كل الكون
تولع نار تطفيها
بطيبة قلبك وحنانك
هتنبت من ترابها زهور
حاسب قبل ما تقطفها
حتى الزهره ليها شوك
احلموا اوعوا الحلم يموت
#سناء_أبوطبل
016/6/13
ليست هناك تعليقات:
إرسال تعليق