مر بيه تعبني الوكت
والحسره صارت سلوتي
يل روحي لاجت بس الك
يل صار حبك بلوتي
چم دوب اظل اني انتظر
مر بيه ساءت حالتي
ناحل صرت هش العظم
اتسامرني بس اوسادتي
مر بيه حصلك اجر
بلچن تبطل دمعتي
مر بيه لحگ مابقت
ايام افارگ فرشتي
مربيه محتاجك نفس
بلچن تحرك ريتي
يل عذبتني ابغيبتك
هلبت تعذبك غيبتي
هلبت تحرگك دمعتك
عينك تحن ال شوفتي
يل صورتك تحت الجفن
هم تحت جفنك صورتي
لوكلشي ايخصني احترك
يبست وطاحت ورگتي
روح اني مااشكي الك
للباري ارفع شكوتي
وامنيتي بآخر دنيتي
تحضرني لو بآخر نفس
بيدك تشيل اجنازتي
الشاعر صالح الجابري
ليست هناك تعليقات:
إرسال تعليق