صباح الشهادة والشهداء / للشاعر محمود شبيب

صباح الشهادة والشهداء
===
شو ما بتعمل ي بن صهيون الدخيل
ومهما احتلالك للوطن يبقى طويل
ومهما بتتجبررح تظلك عليل
وامنك على طول الوقت هش وهزيل
عن عالوطن م بنقبلش نحنا بديل
لا بد ما تشرق لنا شمس الاصيل
نحنا شعب جبار حر بكل جيل
خلقنا اباة وما بنعرف مستحيل
ما في حدا بيناتنا خانع ذليل
وما بنقبلو بيناتنا خاين عميل
مهما هدمتو بيوت بنهار وبليل
ومهما اعتقلتو دون حجه او دليل
ومهما قتلتو كثير او حتى قليل
م بنركع وما بنبكي او نعرف عويل
القدس النا عاصمه ما لها مثيل
وحيفا ويافا والمثلث والجليل
واللد والرمله وغزه والخليل
والناصره وتل الربيع وكل ميل
مع بيت لحم ونابلس سيف وصليل
وجنين ورام الله البطوله يا دخيل
ام الفحم بالامس اعطت لك دليل
واستبسلت في ساحة الاقصى الجليل
وباقي المداين والقرى سلكت سبيل
درب الشهاده مقدس وطاهر نبيل
ولهالسبب يا معتدي ومن هالقبيل
لا تنتظر منا سوى الرد الثقيل
ما بتقتلو فينا الاراده والامل
وما بتمنعو خيول الاصيله من الصهيل
==== محمود شبيب ====