يا واد متخافش
يا واد متخافش م الظلمه
و متفكرش فى العفاريت
و متدوَرش على ابره
فى كوم القش من غير خيط
و خاف من دعوة المظلوم
و اوعا الفرض ل يفوتك
و قول الحق واوعا تخون
ولو كان التمن موتك
وايَاك ل الغرور يعميك
وداء الكبر ل يصيبك
مسير الدنيا تلعب بيك
وساعة الحظ مش ايدك
و متدوَرش ع اللى يروح
وديما بص ادامك
و متفكرش فى اللى يهون
عليه عمرك و أحلامك
ودارى شكوتك جوَاك
ولا تفرَطشى فى مكانك
وتخلص اللى فكَر فيك
و ضحَا بعمره علشانك
بقلمى \ محمد العربى
ليست هناك تعليقات:
إرسال تعليق