قصيدة الكلام **********كلمات بسيوني صديق

قصيدة الكلام
**********
تعبنا و وزهقنا 
من كتر الكلام
وكل يوم نصحي 
علي رط وعجن و كلام
وحتي لما نام
مزاج عندنا الكلام 
بقينا زي خالتي بمبة
بياعة الكلام
وكلام يجيب كلام 
وماعندناش الا الكلام
كلام مابيفدش
يبقي ليه الكلام
حتي الرجاله 
بقيت بتقلد النسوان 
ياخسارةوميت خسارة
علي اللسان
لما يطرقع بالكلام
وميعرفش يفرق 
بين الكلام الحرام
والكلام الحلال
ولما تعتب عليه
يقولك 
ماهو كلام
يطلع ابنك 
الصغير زيك
ويرط ويرطرط 
في الكلام
علشان اتربي 
علي سوء الكلام
ولما تقوله عيب
يبصلك من فوق لتحت
ويقولك اهو كله كلام
انا صح ولا بهطرس
علامة استفهام
الله يرحمك ياعم امام
كلامك كان ليه معني 
وليه اصول في فن الكلام
كلام يدرس
في الجامعة
وبالاحترام
خدها مني نصيحة 
ياغاوي الرط والكلام
وروح عيادة الرحمن 
هتلاقي فيها احلي كلام
وادعي ربك 
واساله التوبه 
و حسن الختام
يارب ارحمنا وطلعنا 
من الدنيا بسلام
**************************
كلمات بسيوني صديق