( يا عربية ) بقلم الشاعر/محمد الشاذلى

( يا عربية ) ٢٠/نوفمبر/٢٠١٦
#########
يام ملايه ملفوفه

ع الخصر والجنبين

تجيب للعقل طوفه

والورد ع الخدين

ويشمك مدارى المباسم

اللا سواد العين

يام ملايه ملفوفه

ع الخصر والجنبين

وابو قويه فوق راسك

حافظ الحرير جواه

قوليلى فين ناسك

يا مدوقانى الاه

دنا يادوب ماسك

القلب اللى دواه

ينول ولو شوفه

تهدى له الحنين

يام ملايه ملفوفه

ع الخصر والجنبين

لقربك يا عربيه

يا مهره جماحه

هاتى الدوا ليا

وبقولها بصراحه

انتى ضيا عينيه

يا نسمه رواحه

ما انتى اللى موصوفه

وانتى اللى أصلك زين

يام ملايه ملفوفه

ع الخصر والجنبين

بقلم الشاعر/محمد الشاذلى