محاكاة متواضعة للغاية لرائعة ( أنت عمرى ) وكما اتفقنا فالأصل لايعارض ...../ للشاعرمحمود عبد الخالق عطيه المحامى

محاكاة متواضعة للغاية لرائعة ( أنت عمرى ) وكما اتفقنا فالأصل لايعارض .....
كلموني عليك
طلابك وناحوا
عن صرع الهوى
ورموشك سلاحه
ياللى قلبي
قبل ماتلمس ايديه
نبض ساكن
صحاه حنانك عليا
انت أملي
اللى ابتدى بحبك صباحه
انت انت انت قدري
قد ايه من قلب فى حبك راح
من الهوى
اد ايه من عقل راح
ولا شاف فى الدنيا قبلك همسة
ولا نسمة ياحبيبى
تداوى الجراح
ابتديت دلوقتى بس
ألاقى عمرى
ابتديت سهر الليالى
أناجى قمرى
كل صورة رسمتها لك
فى خيالى
كنت صحوا
وها قد تاه فكرى
يامنى قلبى
يا أرق من ذكرياتى
ياحياتى
أنت روحى وانت عمرى
الأغانى الحلوة
والوداد والمحبة
والأشواق ياحبيبى
مستنيين حنانك
عيش معايا الحب
فى كل همسة
ياللى طيور الهوى
مشتاقة لجنانك
هات عينيك
تسبح في بحورهم عينيه
ياهنايا
لما ايديك تلمس ايديه
يا أحلى من الأغانى
يا أغلى من الأمانى
خدنى لأمانك خدنى
عن الزمان وابعدنى
أنا وانت آه
اتنين عاشقين وحدينا
بلقانا تحلى الدنيا
ولا أحزان تلاقينا
خاصمتك فيك خلاني
حاربت بيك الزمن
هجرت فيك أحلامي
ورضيت بحلو الشجن
كلموني عينيك
عن الدمع وسفاحه
فهموني بكا الطير
ياحبيبي ونواحه
اللى عيشته
قبل ماتعطف عليا
وهم قاتل
وليل طويل يانور عينيا
بقلمى | محمود عبد الخالق عطيه المحامى