مستغربين// للشاعر طارق عطية

مستغربين

مستغربين ليه حبنا
عايش لدلوقتي ويزيد

قلت الحنان من طبعنا
ووفائنا والإخلاص أكيد

هو الحنان د.عملة نادرة
ولا أنتو واخدين ع.الجفا

أنا خلاص مبقتش قادرة
أنا قلبي واخد ع.الدفا

أنا من الزمان ده ولا أنا
مخلوقة من كوكب بعيد

والعمر كله كام سنة
تعيش حزين ماتعيش سعيد

جراح الآلام من غير كلام
حتعيش بقية عمرك حزين

مبقتش أنام ولا فيه منام
إلا وكان لحنه الأنين

دقق في لون الوردة
اقطفها وشمها

مفيش ولا ورقة شاردة
ما تعمل زيها

بص في نهار الشمس
وفي.نور الشروق

كلمني لو بالهمس
وخدني معاك لفوق

هات لي امارة إن البشر
من حتي آلاف السنين

إن كان نصيب أو كان قدر
يعيشوا بقلوب مجروحين

ظلمت ليه حكم الزمن
وأنت اللي مختار النهاية

مين اللي يدفع التمن
ليه أظلم الأحلام معايا

طارق عطية.شعر غنائي