يام الشهيد زغرتى
وعلى فى الزغاريد
م الليلة ابنك بطل
فى الجنة احلى وليد
وملايكة الرحمن
زفوه فى ليلة العيد
زفوه لأحلى مكان
بالجنة بالتأكيد
ياام الشهيد زغرتى
وعلى فى الزغاريد
متعيطيش افرحي
ابنك بطل وشهيد
فى الجنة زى الأسد
من أجمل المواليد
مكتوبة ياام البطل
ابنك بطل وعنيد
اتصدا للإرهاب
والقلب قلب حديد
ابنك تملى يثور
عشان يعيش الوطن
يفضل وطن منصور
بصى وشوفي الكفن
بيشع منه النور
يام الشهيد زغرتى
وأملى الفرح فى الدور
ابنك داعز وشرف
شايفه كبدر بدور
زاين بعرسه الفرح
زفوه بنات الحور
يام الشهيد زغرتى
وعلى فى الزغاريد
يكفيكى شر العدا
يحميكى رب معين
دايماً تنالى الرضا
ياجنة الصابرين
وابنك ينال المنى
فى جنة الخالدين
علوا معاية الندا
ياسادة ياحاضرين
علوا معايه الندا
قولوا معايه امين
بقلم : اشرف خوينس
إهداء الى : ا م الشهيد
ليست هناك تعليقات:
إرسال تعليق