أحساسي بنبض الحروف / بقلم كريم الصاوي

أحساسي بنبض الحروف
خلاني أفكر و أشوف
أزاي قلبي ضعيف عطوف
كل نبضه يقول دي النهايه
أوقات جوه نفسي أطوف
أحس برعشه مصاحبه خوف 
كلام كتير متعلق بالظروف
ورافض يخرج من جوايا
تعالي معايا يالا شوف
أحزان مترتبه ف الكشوف 
صحاب تبيع بدون كسوف
و كل دا مجرد بدايه 
تشوف حالك مليان كسور
أحلامك علي بعد ألف سور
طاير في سماك الأماني
ترمي في قلبك هموم
تلف بيك أوام تدور 
عالم غريب مفيهش نور
همومك تحزن تنزل تثور 
قدام عيونك نازله الغيوم 
تحاول تنسي بضحكه زور
تلف هنا هناك شهور
أحزانك تيجي تروح تزور
حزن ساكن عندك و بات
تفضل تضحك بدون شعور
عشان تخبي همك تمثل سرور
تجيب لنفسك باقه زهور
تسرح معاها بالساعات
في لحظة أنك تبدأ تفوق 
ينط قلبك يبص فوق
تلاقي حلمك في الشروق
بس روحك تبدأ تموت

بقلم كريم الصاوي