،،،،،،،،،،،(حد يعرف)،،،،،،،،،،،،،،،عبد الله السايح

،،،،،،،،،،،(حد يعرف)،،،،،،،،،،،،،،،
كل اللي بيننا كان اسمه ايه
احتارت اصدق إزاي وليه
لماكنت بتحضنيني
كان غرام والا' حلم احس بيه
لما كنت تقبليني
ورضاب شهدك ساقيه
والجبين يحضن جبيني
واتكتب إسمك عليه
والحنان اللي راويني
واخضر قلبي بين إيديه
والأمل اللي عطيني
دنيا بالفرح تلاغيه
كل دا منقوش في عيني
بس ماعرفته اسمه أيه
لما قلبك يحتويني
بكل كلمة حب فيه
لما بالنظرة تناديني
واجري على صدر نلاقيه
ملهوف على حبي وحنيني
حد يعرف اسمه أيه
لما نسهر وتناجيني
وان غبت صوتك للقمرتشكي إليه
لما بسمتك تحي عيوني
وكلمتك سعدي يلاقيه
مرة تشعل نار جنوني
ومرة بحر غرامي فيه
مركبه بدفوف حنيني
كل شئ نجري عليه
فيها افراحي وسكوني
والغرام وفرحنا بيه
واللقى في وسط كوني
من بعيدالفرح بيبص عليه
حتى لونك اللي متلخبط بلوني
مش عارف له أي إسم انده عليه
لما قلتي عاشقه حتى في هدومي
ولماتسمعي اسمي الحنان بتحسي بيه 
او شكيت أي لحظة من ظنوني
في الحياة بتعيشي تيه
ويوم بكيت من شجوني
قلت ابيع الروح والفرح لك اشتريه
ياخسارة ماعرفتيش تصوني
لما غبت عن عيونك شهر ليه
ونسيتي انت مين ومين تكوني
يوم رميتي حلمنا اللي بعيش عليه
انت لوحة رسمتها بين جفوني
صعب حد يعرف الخط ومافيه
من جمالك حذروني
في الجمال كان قلمي بس بيلاغيه
انت بعتي وناسيه عوني
واتنسى كل شئ تعبت فيه
بكره يجي بصرخة بتقول رجعوني
بكره هنسى اي شئ او طريق مريتي بيه
ماانت بعتي كل كوني
ويوم سألتك قلت كان بيننا إيه
،،،،،،،،،،،،،،،،( شعر )،،،،،،،،،،،،،،،،،،
عبد الله السايح