*** ياعالي وغالي / بقلم -------[مبروك البنا]-------

*** ياعالي وغالي
-----------------
بحبك بحبك يا عالي وغالي
بحبك وحبك سهرني الليالي
أناجي نجومك ترأف بحالي
تحن عليه وتجـاوب سـؤالي
قلبي بحبـك وليه انت قـاسي
ومالي سواك يمـلالي كاسي
بحبك بحبـك يا آسي ونـاسي
بحبـك وانت حـياتي ونـاسي
بـحبـك واكـتـب لقلبـك كـلام
محبـه ومـودة وحلـو المـلام
قالـوا الكـلام رسول الغـرام
بيبـدأ بحبـك وخـتـامـه سلام
الـورده ديــه مـنـي رســول
تبـوس الشفايف لقلبك تقـول
قوللي امتي ميعاد الوصـول
وهستني قربك ولوبعد حول
ياعالي حياتي بطعم السهـاد
وفـلبـي طَـافَ وراك البــلاد
يا غالي حيـاتي بَعـدك رمـاد
وشجـرة حنانك بتطرح وداد
يا غالي بقربك الفرحه جايَه
بتـرسم لقلبي فرحي ومُنـايَه
بتكتـب نهـاية أجمـل حكـايه
بحبك ونظـرة عيونك كفـايه
وورد خـدودي محـتـاج ري
ولمـا تغـيـب بتـغيـب الـمَـيّ
يا شاغـل قلبي يا ضي عِنيّ
انت مـفيـش في جمـالك زي
كيف أخلي من هواك كاسي
وأشواقك بتتحكم في انفاسي
نِـفـسي انـسي قلبـك القـاسي
أنسي ازاي يا مالك حواسي
طـول الخـصـام منـك جـفــا
ازاي قِـدرت ياغـالي عـليـه
اليـوم يـمُـر كـأنــه سـنـيــن
و قـلبـي بـالشــوق مستـنيـه
ليــه قَـدَّرك قـلبي يـا عـالـي
ولـيـه شــالك في نـن عـنيـه
مـسـتني مـنـك حتـي كـــلام
والقُـرب منـك ليــه يرضيـه
حبيب قلبـي ودنيتي ونـاسي
ياغالي وعالي يا تاج راسي
وحشتنـي من سـائـر النـاسِ
وانت كنـز صبري وإيناسي
-------[مبروك البنا]-------