***لجان شعبية/ للشاعر محمد نايل

***لجان شعبية
لجان شعبية وفرسان
لكل الناس خلان
وديما ع الخير أعوان
بيظهروا وقت الشدايد
ويكونوا للبلاد ربان
ناس سيرتها مشرفة
يتعاهدوا ديما ع الوفا
يدعو الورى للصفا
واتحلو بحكمة وإيمان
لجان شعبية وفرسان
*****************
ياسعد من بدأ بنفسه
وسبق وقدم الخير
ويابخت من سعد بعمله
وبقى قدوة للغير
يغمر الدنيا بحلمه
المصرى أبو قلب كبير
يدل الناس ع البر
ويقصرهم عن الشر
بيشع من قلبه النور
وللنوايا الحسنة نعم سفير
طول مبيوصى بالإحسان
ناس سيرتها مشرفة
يتعاهدوا ديما ع الوفا
يدعو الورى للصفا
واتحلوا بحكمة وإيمان
لجان شعبية وفرسان
***************
كلنا سوا فى السفينة
والسفينة عايزلها مينا
والمرجفون فى المدينة
لو كفينا سعيهم نجينا
خليك للحيارى دليل
يطلع علينا فجر جميل
لما نبدد ظلام الليل
ودا واجب ودين علبنا
تسعد ايامنا وليالينا
ونعيش فى أمن وأمان
ناس سيرتها مشرفة
يتعاهدوا ديما ع الوفا
يدعوا الورى للصفا
واتحلوا بحكمة وإيمان
لجان شعبية وفرسان
*****************
وانت ياللى عامللى ناشط
وفارد القلوع
ياترى متمول وللا مخدوع
تمشى ورا ناس
عقولها طاشت
فيه ناس رجالة
مش عايزه قوالة
تبني وتخدم
وناس حسالة
عايشينها عالة
وكمان بتهدم
لامرة يقولوا براوة
ولا شاكرين ولا حمدين
عنيهم عليها غشاوة
وللا متغميين
أكيد متبردعين
فيه ناس سيرتها مشرفة
يتعاهدوا ديما ع الوفا
يدعوا الورى للصفا
واتحلوا بحكمة وإيمان
لجان شعبية وفرسان
مع تحياتي
محمد نايل
مركز بدر/البحيرة
مصر