*******النُسخة
من دهر عدّى وفات
والقصة دى بتتعاد
حواديت كما حواديت
حكايات شبه حكايات
مكتوبة لك خطوات
مفروض عليك نهايات
.
البعض من كُله
والُكل فاض كَلّه
فاقد آمان ضله
عطشان دفا و حنان
.
الفرح بيمرر
والصبح متأخر
والليل غطى يستر
جرح القلوب ما يبان
.
رحّال بعيد حلمه
عشمان يزول همه
قش الغريق خزله
دايخ وسنده حيطان
.
صدقنى يا عمرى
اسمعنى يا سَهرى
دا العرض متكرر
والنسخة دى بتتعاد ..
بقلم
#بهاء_اللبودى
ليست هناك تعليقات:
إرسال تعليق