الساده الحرافيش/ بقلم علاء زايد

الساده الحرافيش 😆
يا قلمي قول 
و اكتب و ما تخبيش
عن المحاسيب
والي ف زمانهم يعيش

وغني بصوت حزين
لكل حبايبي الغالين
الساده للحرافيش
يا قلمي 
قول ل دقات قلبي
ما تخافيش
بعون الله هعيش
واكتب
عن 
المساكين
ال القطر فاتهم
من سنين
وتاهوا ف دوامه
اسمها 
اكل العيش 
ويا ريت كانوا عايشين 
وعن شوق المساجين
المشتاقين
لحضن ولادهم 
الصغيرين 
ال ما شبعوش 
منهم حنين 
وياما ف الحبس 
مظاليم

يا قلمي قول واكتب
وما تخبيش
عن الفقر اللعين
ال صاب الجميع 
وعن المحاسيب
ال عايشين 
ف النعيم 
و حريمهم 
حريم 
متدلعين
وكل ليله متجمعين 
يا عازمين
يا معزومين
ويسهروا طول الليل
ويصحوا 
متدهولين 
و
مبلمين
ونحاسب احنا
ع المشاريب
ال سهروا عليها الليل
علي صوت المزامير
ورقص
ولا رقص الخيل

يا 
ليل ويا عين

*****
علاء زايد
من ديواني