التحفجى / بقلم ياسر شرف

التحفجى
تحية للعصر الشجى
من كل قلبى لتحفجى
تراث قديم يعنى جواهر
يعكس جمال عصر الزاهر
سومة تغنى لهنومة
وسمعة يتحفنا فى جمعة
جمال زمان كده بالمصرى
والقافية مخصوصة للقصرى
وفريد بيعزف فى الألحان
وحليم يغنى لحب زمان
من السيدة او حتى منيب
حمواتنا قمرة مارى منيب
ولو بتقرا فى اى كتاب
راح تستمع لعبد الوهاب
وعال القهوة بندق يتطلب
تلاقى صوت عبد المطلب
وتحل كلمات وسودوكو
وفجأة بتلاقى شكوكو
والفن يعنى أشكال وألوان
بفطرة طاهرة للإنسان
اجدادنا ثروة قومية
عباقرة قيمة وطنية
حياة نقية وطبيعية
بدون تكلف عفوية
وتلاقى فيها الإنسانية
مع عيش وفول او طعمية
كان نفسى أبقى زى زمان
عشان أحس إنى إنسان.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون