***" سكر زياده " بقلم --[مبروك البنا]--

***" سكر زياده "
-----------------
خليـك علي قـــــدِنا يـاســـاكـن حـينـا
ليــه طــالع في العــلالي وانت زينـا
طــول عمــرك مِننـا وســاكن جنبنـا
أول مــا بـان جمـــالك بعّـــدت عننـا
*محنــاش قد السيــاده ياسكـر زيـاده
*يرضيك نشربها ساده والسكرعندنا
وردك عَـذِّب عِنينا وعبيـرُه بيواسينا
ودلالـك زاد حـدوده ليه تتــدلِّل علينا
دا دلال سحـر جمالك بيــدوب قـلبنـا
ليـه تطلع في العـلالي وتـزود دمعنـا
*محنــاش قد السيــاده ياسكـر زيـاده
*يرضيك نشربها ساده والسكرعندنا
يـا تــاعِـب قـلبنـا ولا ســـائـل عـننـا
طــول عمـرنا حبـايـب يـا حتـه مننـا
اسأل علي قلب حبـك ورد وقُـول لنا
بتبُـص في العلالي وسـايبنــا لوحـدنا
*محنــاش قد السيــاده ياسكـر زيـاده
*يرضيك نشربها ساده والسكرعندنا
طـول عُـمــر حينــا بيـجمــع شمـلنـا
بالشـوق ويّا المـوده والحب يـضمنـا
ونعيش الفَـرحه دايماُ بطهــارة قالبنا
ولما زدت في جمــالك بَـعَّـدتِ عننـا
*محنــاش قد السيــاده ياسكـر زيـاده
*يرضيك نشربها ساده والسكرعندنا
لسه جُـدران حـــارتنا بتحمـل اسمنـا
ايـدي في ايـدك ونجـري ولاحد زينا
ايه ذنـب قلب حبـك يتحمـل هـجـرنـا
يـا غـنــوة حُـب حلـوة أســألي عـننـا
*محنــاش قد السيــاده ياسكـر زيـاده
*يرضيك نشربها ساده والسكرعندنا
-----------[مبروك البنا]------------